Noch mehr ne'e Wöör


I.
De Lüüd finnt dat woll intressant, sik mit ne'e Wöör to befaten. Dat markt wi an de Reakschoon op uns Wöörlisten in't Internett (ünner "moderne Wörter" bi www.fehrs-gilde.de). Lesers hebbt uns för wölk Wöör Alternativen opschreven, ok seggt, dat se dat een or annere Woort ut uns Listen nich hebben müchen. Ok hebbt se noch Ideen för annere Wöör hatt, de noch nich op de List stünnen. Wi hebbt dat allens in en twete Oplaag vun de Wöörlisten indragen.
Wi beedt de Lesers, uns to seggen, wat se denn nu lever möögt.

II.
In de Twüschentiet sünd dor en poor Wöörlisten tokamen. Bi de geiht dat üm Wöör ut

  1. de Ümwelt
  2. den Heven un den Weltruum
  3. den Sport.

Seggt Se uns ok hier, wat Se möögt or nich möögt un wat Se anners maken worrn.

III.
In de Listen finnt Se nu Vörslääg för 6750 hoochdüütsche Stichwöör.


Heinrich Thies